Пасля доўгай халоднай зімы ўсе з нецярпеннем чакаюць прыгажуню-вясну з яе ласкавым цёплым сонейкам і птушынымі спевамі. А каб яна хутчэй да нас завітала, дзеці з аграгарадка Макараўцы заклікалі вясну на квэст-гульні "Вясну сустракаем - гульні гуляем". Вядучая мерапрыемства прапанавала дзецям адгадаць загадкі пра вясну, пагуляць у гульню-карагод, намаляваць жаваранкаў. З вялікім задавальненнем дзеці праспявалі песні-вяснянкі “Жавароначкі, прыляціце!”, “Сонейка-сонца”. У канцы гульні дзеці атрымалі салодкія падарункі ў выглядзе птушак.
