29 кастрычніка ў аддзеле рамёстваў і традыцыйнай культуры адбыўся семінар-практыкум для работнікаў устаноў культуры Бераставіцкага раёна» Вышыванка". Мэтай дадзенага семінара-практыкума стала павышэнне прафесійнай кампетэнтнасці работнікаў культуры ў галіне традыцыйнага беларускага арнаменту і тэхнікі вышыўкі для далейшага выкарыстання ў практычнай працы і папулярызацыі сярод насельніцтва. Усіх удзельнікаў семінара-практыкума павітала майстар мастацкіх рамёстваў аддзела рамёстваў і традыцыйнай культуры, Анастасія Касьян, якая распавяла пра важнасць захавання традыцыйных рамёстваў і пазнаёміла з гісторыяй, сімволікай і рэгіянальнымі асаблівасцямі беларускай вышыўкі, значэннем колераў (чырвоны, чорны, белы), а таксама ўзорамі традыцыйнай вышыўкі. Майстар, Кацярына Хілюта, распавяла ўдзельнікам семінара як ад традыцыйных вышытых ручнікоў і кашуль, перайшлі да выкарыстання вышыўкі ў сучасных праектах. Цікава было даведацца якія віды вышыўкі існуюць, а так жа майстар пазнаёміла з асноўнымі матэрыяламі, інструментамі якія патрэбныя падчас вышывання. У працэсе вышыўкі можна не толькі творча самарэалізавацца, але гэта яшчэ і адзін з метадаў псіхалагічнай разгрузкі, такі як "Арт-терамия". Каб акунуцца ў працэс вышыўкі і паспрабаваць сябе ў новым рамястве, удзельнікам быў прапанаваны майстар-клас, падчас якога можна было навучыцца базавым тэхнікам і швам, характэрным для беларускай традыцыйнай вышыўкі крыжыкам. Дэманструючы свае вышытыя вырабы майстрам хацелася натхніць прысутных на стварэнне ўласных творчых праектаў на аснове традыцыйных узораў. Такія семінара-практыкума спрыяюць абмену вопытам і стварэнню прафесійнай супольнасці.