27 жніўня на сцэне летняга амфітэатра ў г. п. Вялікая Бераставіца ў рамках раённага фестывалю - конкурсу «Напоўнім музыкай сэрцы» адбыўся заключны гала – канцэрт лепшых выканаўцаў Бераставіцкага раёна.

   На працягу ўсяго летняга перыяду, кожную нядзелю, гледачы мелі магчымасць назіраць за выступленнямі артыстаў, а ў гэты цудоўны вечар былі падведзены вынікі праведзенай працы ўсяго гадовага творчага сезону.

   Канцэртная праграма ўключыла ў сябе музыку розных стыляў і напрамкаў. Тут і народныя песні, песні рэтра і шансон, сучасная эстрадная і інструментальная музыка.