У Бераставіцы саломку ўплялі ў традыцыі: рамеснікі раёна асвоілі старажытнае мастацтва стварэння абярэгаў. У Бераставіцкім аддзеле рамёстваў і традыцыйнай культуры адбыўся змястоўны семінар-практыкум пад назвай «Выкарыстанне саломкі ў народных святах і абрадах». Мерапрыемства сабрала спецыялістаў сферы культуры раёна, аб'яднаных жаданнем захаваць і прымножыць нацыянальны здабытак. Цёплы прывітальны тон сустрэчы задала загадчык аддзела рамёстваў Тамара Касьян, якая адкрыла мерапрыемства і пажадала ўдзельнікам плённай працы.
Пагрузіцца ў гісторыю рамяства дапамаглі:
З дакладам аб саломапляценні як аб'екце нематэрыяльнай культурнай спадчыны Беларусі выступіла Алёна Бутрыла - метадыст па народных рамёствах, традыцыях і абрадах, а таксама фальклору ДУК «Бераставіцкі цэнтр культуры і народнай творчасці». Тэму працягнула Кацярына Хілюта - майстар народных мастацкіх рамёстваў аддзела рамёстваў і традыцыйнай культуры. У яе выступе была ярка раскрытая сімволіка і практычнае прымяненне саломы ў каляндарных святах і абрадах нашых продкаў. Кульмінацыяй семінара стала практычная частка. Пад чулым кіраўніцтвам дасведчанага майстра саломапляцення Тамары Касьян удзельнікі аб'ядналі намаганні для стварэння калекцыйнай працы-традыцыйнага абярэга "павук" з саломы. Гэты старажытны сімвал, па павер'ях, засцерагае дом і прыцягвае дабрабыт.