Бераставіцкія цуды ўжо ў Гродне! Наш аддзел рамёстваў прадставіў аўтарскі каларыт на юбілейным фестывалі ў Гродне. Юбілейны фестываль нацыянальных культур у абласным цэнтры стаў месцам прыцягнення яркіх талентаў з усяго рэгіёна. Сваю лепту ў шматколернасць свята ўнёс Бераставіцкі аддзел рамёстваў і традыцыйнай культуры. Спецыяльна да гэтай падзеі майстры падрыхтавалі экспазіцыю. Выстава-продаж вырабаў ручной працы ўжо прыцягнула ўвагу спрактыкаванай публікі: ад вытанчанай вышыўкі да арыгінальных прадметаў побыту і дэкору. Госці фестывалю атрымалі ўнікальную магчымасць не толькі палюбавацца мастацтвам бераставіцкіх умельцаў, але і набыць эксклюзіўныя работы — часцінку сапраўднай Беларусі. Майстры раёна прывезлі тое, што нельга спампаваць або скапіяваць — цяпло сваіх сэрцаў і золата рук.